Хундулуг суурувус чурттакчы чонну дараазында викторинаже чаладывыс. Бердинген ырыларның аттарын тывыңар-ла, бирги тыпкан кижини шаннал маннап турар.

1. Кажан-на бир ынак кызым сеңээ мен
Ынакшылдың чараш сөзүн чугаалап…
2. Үттеп сургаар авам эки…
3. Чаактарың даяныпкаш мени манап олур боор сен…
4. Частың башкы дамдылары чажым суйбап танцылады…
5. Авазы деп, ачазы деп ала чайгаар адажыр бис…
6. Ие төрээн аажы-чаңны эдип-чазаар берге болгай, ийи боттуң ынакшылын сүмелешкеш камнап чоруул…
7. Үдеп кааның кежээден бээр үр-ле душпайн келдивис чоп, Шынчы сеткил сенден күзеп сырынналдыр ырлап чор мен…
8. Ыржым кежээ меңээ душкаш ынак мен деп сөзүң бердиң…
9. Ынакшылың өске оолга солува ынааң мени, ынааң мени манап чор…
10. Сырынналдыр ырлап чоруур сыннарын-даа сактып кээр мен…
11. База катап келгижемче байырлыг че…
12. Частың башкы частыр чечээ чалыы шаамның ынакшылы…
13. Сени мен-даа, мени сен-даа билир чорааш сеткиливис…
14. Изиг ынак чүрээм согуун дыңнаалаан дег менче үр-ле…
15. Арын-шырай, идик-хевим аңгылай көөр кончууңарны…
16. Ону чоор сен, чадаганга ойна-ойна…
17. Безин чадаар хая көрбедиң…
18. Кандыг кыс-тыр чараш бе деп айтырба…
19. Канчап билбес кижи боор сен ынакшылымны…
20. Кааң дээрде көшкен булуттар-даа карактарда бо-ла көстүп кээр…
21. Сени мен дег кым-даа ошкавас…
22. Ынакшылым күштүг ырлап чор мен, ынаам, ындынналдыр…
23. Өртемчейде сеңээ деңнээр өске кижи тыппас-тыр мен…
24. Авай, ачай, авай деп аажок чассып келир…
25. Хадыңчыгаш бистерни чылды өттүр манап тур…
26. Салгын-хаттың кээргел чокка силгииринге салдырадыр-сылдырадыр дагжаар чүңүл…
27. Хар дег аккыр чоорган-биле шуглап каайын…
28. Тараа тараан шөлге танывазым куштарны эртениң-не чоруурун элдепсинип көрген мен…
29. Даглыг черниң кызы болгаш ындыг боор мен, Даңгаар эртен хүнге чүдүүр сүзүктүг мен…
30. Орук ара чашкы үем таварышса оода чаңгыс караам-биле көрүп алыйн…

Чыып кылганы ХДШИниң хор башкызы Тоглакпан М.М.